Ashtangasamgraha 43.2

Śaśilekhā 43.2

Language: Sanskrit

43.2

bahava ityādi | prāk pūrve'dhyāye | jalaukaḥprabhṛtayo raktavisrāvaṇopāyā bahavo'bhihitāḥ | teṣāṃ raktavisrāvaṇānāṃ madhye tatsādhyeṣu raktāvasecanasādhyeṣu vyādhiṣvanyeṣāṃ ca virekādīnāmupakramāṇāṃ sirāvyadhaḥ pradhāna upakramaḥ | amunā hi sirāvyadhena raktāvasecanasādhyā vyādhayaḥ samūlāḥ śoṣamāyānti | yathā kedārasetubhedena śālyādayaḥ | kedārasetuḥ kṣetramaryādā jalāvaṣṭambhinī | raktāvasecanasādhyānāṃ tu vyādhīnāṃ na tathā virekādaya upakramāḥ na cānye raktavisrāvaṇopāyāḥ yathā sirāvyadhastathā ceti tīrthāntarapāṭhaṃ samucinoti |

Previous: 43.1
Next: 43.4
Up: 43

Linked texts (1)

Aṣṭāṅgasaṃgraha — Vāgbhaṭa, Sanskrit