Ashtangasamgraha 50.34

Śaśilekhā 50.34

Language: Sanskrit

50.34

labdhagarbhā vā 'nvakṣaṃ nirantaraṃ yadā vātalānyāsevate tadāsyā vāyuḥ prakupitaḥ śarīropasarpaṇena garbhāśayamanuprāpto garbhasya jaḍabadhiratvādīnanyaॉśca yathāhetuvātavikārān karotyevaṃ pittalyānyāsevamānāyāḥ pittaṃ khaltyādīni | śleṣmā kuṣṭhādīni trivargasannipāto miśrānanantaroktān vātapittakaphajān | jaḍaḥ stokaśrutirbadhiro'śrutiḥ | mūko vāgrahitaḥ | minmiṇo'nunāsikabhāṣī | gadgado ghargharasvaraḥ | khañjaḥ ekapāt | tathā hīnāṅgo'dhikāṅgo vā | khalatirnirmalomaśirastvam | palitaṃ śvetalomatvam | śmaśruhīnatā niḥśmaśrutvam | tvagādīnāṃ paiṅgalyena sambandhaḥ ādigrahaṇena pittavikārāṇāṃ grahaṇam | sadantatvaṃ garbhe eva dantajanma | āṃdigrahaṇena śleṣmavikārāṇāṃ grahaṇam |

Previous: 50.33
Next: 50.35
Up: 50

Linked texts (1)

Aṣṭāṅgasaṃgraha — Vāgbhaṭa, Sanskrit