Bhedasamhita 78.p14

78.p14

nātiśītaṃ na vā'tyuṣṇaṃ kaṣāyamupakalpayet | vāyuḥ kupyati śītatvādatyuṣṇaṃ tu gudaṃ dahet | atisāndrātigrathito doṣeṇa saha mūrcchitaḥ | madapravego bhavati vyapadeśyopa(pi)jāyate | athavāpi tanuryasya kaṣāyo-(pa)ji(ci)tā bhavet | so'lpaṃ harati doṣaṃ ca na ca saṃśodhayedgudam | parikarttaṃ ca śūlaṃ ca janayecca pravāhikām | atyarthaṃ madhuro danto vidagdhastambhavedanam (?) | grahaṇīṃ raktamarśāṃsi pāṇḍurogaṃ bhagandaram | atitīkṣṇāstu duryuktāḥ kṣipraṃ pratinivartate | na nirharati doṣāṃśca jvaraṃ mūrchā karoti ca | jvaritaṃ dahyamānaṃ ca mūrcchamānaṃ ca mānavam | śītairmadhurasaṃyuktaiḥ yojayetkṣīravastibhiḥ | yasyāśca lavaṇaḥ koṣṭhe nirūhaḥ paittikā rujāḥ | janayettatra puṣyaṃ syānmadhureṇa nirūhaṇam | nirūho madhuro yasya śleṣmāṇaṃ parikopayet | kaṭukaiśca kaṣāyaiśca nirūhe yasya mārutaḥ | pratapyedadhikaṃ tatra mārutaghnaṃ nirūhaṇam | tasmāllavaṇayuktāni dravyāṇi madhurāṇi ca | tat sudadyānna śītāni tathoṣṇāni virecayet