Ayurvedadipika (Carakatatparyatika) 1.3.3.1
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 1.3.3.1
- Language
- Sanskrit
1.3.3.1
tailayoniphalānyeraṇḍaphalatilādīni| amlamiti kāñjikādiyogāt| ānūpānāṃ khaḍgādīnāṃ matsyānāṃ cāmiṣaṃ māṃsamānūpamatsyāmiṣam| vesavāraḥ- “nirasthi piśitaṃ piṣṭaṃ svinnaṃ guḍaghṛtānvitam| kṛṣṇāmaricasaṃyuktaṃ vesavāra iti smṛtaḥ”| gandhapradhānānyauṣadhāni gandhauṣadhāni, tāni cāgurvādīni jvarādhyāye pratipādyāni; gandhauṣadhaiśca siddhairiti yojanīyaṃ; tena daśamūlagandhauṣadhābhyāṃ snehāḥ sādhanīyāḥ (kiṃvā gandhauṣadhairdaśamūlasiddhaiḥ snehapṛktairayaṃ pradehaḥ)| uśanti kathayanti| vidārī vidārīkandaḥ| sitopalā sitaśarkarā| madhuśeṣaḥ sikthakam| siddhamiti ghṛtadugdhayuktaṃ sat kiñcidevāgnau sādhitam||18-22||-