Ayurvedadipika (Carakatatparyatika) 1.7.9.1
Āyurvedadīpikā (Carakatātparyaṭīkā) (ed. Yādavjī Trikamjī Ācārya, 1981 printing) 1.7.9.1
- Language
- Sanskrit
1.7.9.1
avidhāryapravṛttīnmūtrādīn vidhāryapravṛttīn sāhasādīṃśca darśayitvā vidhāryāvidhāryapravṛttiṃ vyāyāmamāha- śarīretyādi| dehasya vyāyāmo dehavyāyāmaḥ, dehagrahaṇānmanovyāyāmaṃ cintanādi nirākaroti; saṅkhyātā sañjñitā| yā ca iṣṭā abhipretā, etena bhāraharaṇādyā+aniṣṭā kāryavaśāt kriyamāṇā ceṣṭā nirasyate, caṅkramaṇarūpā tu kriyā prāpyate| sthairyaṃ sthiratā śarīrasya, tadarthā| mātrayā anapāyiparimāṇena; etāvatī ceyaṃ śarīraceṣṭā mātrāvatī yāvatyā lāghavādayo vakṣyamāṇā bhavanti, ceṣṭātiyogavakṣyamāṇāśca śramabhramādayo na bhavanti| suśrute+apyuktaṃ- “yattu caṅkramaṇaṃ nātidehapīḍākaraṃ bhavet| tadāyurbalamedhāgnipradamindriyabodhanam” (su.ci.a.24) iti||31||
Linked texts (2)
- Dravyaguṇa rājavallabha — Nārāyaṇadāsa Kavirāja, Sanskrit
- Paryāyaratnamālā — Mādhavakara, Sanskrit