Hārīta's Compendium of Medicine 3.3.51: ekapañcāśattamo'dhyāyaḥ

3.3.51.1

ātreya uvāca
śoṣo hṛllāsacchardiśca śopho jvarastathāruciḥ
atīsāro vivarṇatvamaṣṭau garbhasyopadravāḥ

At night, for the wise, thorough massage of the limbs / with copious lukewarm water is wholesome, avoiding sleep and exertion.

3.3.51.2

vakṣyāmi bheṣajaṃ tasya yathāyogena sāmpratam
vaṭaprarohaṃ magadhāmuśīraṃ ghanameva ca

3.3.51.3

yutā khaṇḍaguṭikāsye vihitā śoṣavāriṇī

3.3.51.4

vatsakaṃ magadhā śuṇṭhī tathā cāmalakīphalam
yuktaṃ komalabilvena dadhnā piṣṭaṃ tu dāpayet

3.3.51.5

śarkarāsaṃyutaṃ pānaṃ strīṇāṃ garbhe hitaṃ sadā

3.3.51.6

pīto bhūnimbakalkaśca śarkarāsamabhāvitaḥ
chardiṃ harecca hṛtkledaṃ madhunā vā samanvitaḥ

3.3.51.7

śṛṅgaveraṃ sakaṭukaṃ mātuluṅgasya keśaram
mārjanaṃ dantajihvāsu ganḍūṣaścoṣṇavāriṇā

3.3.51.8

gurviṇīnāñca sarvāsāmaruciṃ ca niyacchati
vatsakaṃ dāḍimaṃ pāṭhā bilabilvabalāstathā

3.3.51.9

jambvāmrapallavāścaiva yathā lābhena sattama
śarkarādadhisaṃyuktaṃ strīṇāñcaivātisārake

3.3.51.10

harītakī nāgarakaṃ guḍena vā triphalākaṣāyaḥ
śītaḥ strīṇāṃ vinihanti pāne vibandhavidradhīṃśca

3.3.51.11

mūtravibandhanasya trapusairvāribījāni māgadhī ca śilābhedaṃ sitāḍhyañca pibettaṇḍulavāriṇā
mūtrarodhaṃ gurviṇīnāṃ vārayatyāśu niścitam

3.3.51.12

madhukaviṣamṛṇālaṃ padmakiñjalkakalkaṃ ghanamativiṣamaindraṃ bījamauśīranīram
samakṛtamatha kalkaṃ deyamāśu prapāne hitamapi yuvatīnāṃ garbhacāle sitāḍhyam

3.3.51.13

garbhasyopadravāḥ śophāḥ svedayeduṣṇavāriṇā
na dātavyo matimatā vireko dāruṇo mahān

3.3.51.13.p1

ityātreyabhāṣite hārītottare tṛtīyasthāne garbhopadravacikitsā

3.3.51.13.p2

nāmaikapañcāśattamo'dhyāyaḥ