The Compendium of Suśruta 64: atha kandavargaḥ
Bhānumatī 64
- Language
- Sanskrit
atha kandavargaḥ
64.305
kandānāmapi śākaviśeṣatvādanantaraṃ kandaguṇamāha—vidārikandetyādi | anye tu pūrvameva kandān paṭhanti, paṭhanīyastāvadayaṃ tatra vā'tra vā na kaścidviśeṣaḥ | bisaṃ sthūla-mṛṇālaṃ; kaśeru cinnetikena samaṃ dvividhaṃ; piṇḍālukaṃ raktālukaṃ madhvālukaṃ ca khanāmakhyātaṃ; hastyālukaṃ hastipādamiti khyātaṃ; prabhṛtigrahaṇādvahava ālukakandāstathā krauñcādanādayo gṛhyante | atra viśeṣaguṇe mahatītyādinā sthūlamūlā śatāvarī kīrtitā | prastāvāttadaṅkurā-nāha—kaphapittetyādi || 298-305 ||
64.309
samānaguṇāni kandāntarāṇyāha—śaletyādi | śalo grāmakandaḥ; sūraṇo vanakandaḥ; mānakaṃ prasiddhaṃ; surendrakandaḥ ‘kandacāṣa’ iti prasiddhaḥ | madhura ityādi suñjātakandaguṇaḥ | suñjātakanda auttarāpathikaḥ | nadīmāṣakaḥ ‘ḍaṅgāmāna’ iti khyātaḥ | varāhakando ‘vana-tulaka’ iti khyātaḥ || 306-309 ||
64.311
kandaprasaṅgena kandasamānaguṇatālādimastakamajjaguṇamāha—tāletyādi |
64.312
yādṛśaṃ kandaṃ tyājyaṃ taddarśayati—bālamityādi |