The Compendium of Suśruta 64.305
Bhānumatī 64.305
- Language
- Sanskrit
64.305
kandānāmapi śākaviśeṣatvādanantaraṃ kandaguṇamāha—vidārikandetyādi | anye tu pūrvameva kandān paṭhanti, paṭhanīyastāvadayaṃ tatra vā'tra vā na kaścidviśeṣaḥ | bisaṃ sthūla-mṛṇālaṃ; kaśeru cinnetikena samaṃ dvividhaṃ; piṇḍālukaṃ raktālukaṃ madhvālukaṃ ca khanāmakhyātaṃ; hastyālukaṃ hastipādamiti khyātaṃ; prabhṛtigrahaṇādvahava ālukakandāstathā krauñcādanādayo gṛhyante | atra viśeṣaguṇe mahatītyādinā sthūlamūlā śatāvarī kīrtitā | prastāvāttadaṅkurā-nāha—kaphapittetyādi || 298-305 ||