The Compendium of Suśruta 154.45

Nibandhasaṅgraha 154.45

Language: Sanskrit

154.45

samānaṃ karmābhidhāya vaiśeṣikān yogānāha-karṇetyādi | pañcakaṣāyamasminnevādhyāye 'tindukābhyabhayā rodhraṃ samaṅgā''malakaṃ' ityādinā paṭhiṣyati, anye tu āragvadhaśirīṣajambusarjāśvakarṇajaṃ pañcakaṣāyacūrṇaṃ kathayanti, tacca ṭīkāpañjikābhyā nāṅgīkṛtam | sarjatvagityādi | kārpāsī vanakārpāsī | śaivalaṃ dūrvā, haṭhamityanye | mahāvṛkṣa sehuṇḍa, prasavā pallavā | kulīra karkaṭaśṛṅgī, maṇḍūkī brāhmībheda | śaivalādikaṃ prasavaparyantaṃ kaṣāyadravyaṃ, kulīrādikaṃ ca kalkadravyam | pūjitaṃ 'karṇasrāve karṇapūraṇam' ityavyāhāryam || 42-45 ||

Previous: 154.41
Next: 154.46
Up: 154

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit