The Compendium of Suśruta 173.104

Nibandhasaṅgraha 173.104

Language: Sanskrit

173.104

samyaglaṅghitalakṣaṇamāha-sṛṣṭamārutaviṇmūtramityādi | sṛṣṭamārutaviṇmūtramiti atha pravṛttavātapurīṣamūtraṃ, kṣutpipāsāmahamiti samyaglaṅghanādekasminneva kāle ye kṣutpipāse samavete bhavataste soḍhumaśaktam | tathāca tantrāntaraṃ,-"vātamutrapurīṣāṇāṃ visarge gātralāghave | hṛdayodgārakaṇṭhāsyaśuddhau tandrāklame gate || svede jāte rucau cāpi kṣutpipāsāmahodaye | kṛta laṅghanamādeyaṃ nirvyathe cāntarātmani-" iti | laghumaṅgajagauravādirahitam | ātmā antaḥkaraṇam | kṣāmaṃ sarvākṣamam | evaṃbhūtaṃ sulaṅghitaṃ vidyāt |
-

Previous: 173.103
Next: 173.105
Up: 173

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit