The Compendium of Suśruta 197.3

Nibandhasaṅgraha 197.3

Language: Sanskrit

197.3

idānīmunmādaṃ nirvakti—madayantītyādi | madayanti manobhramaṇaṃ kurvanti | uddhatā upacitāḥ | anye 'udgatā'iti paṭhanti, tatra udgatā uddhatā unmārgamāgatā manovahāni srotāṃsi prāptā | yaddhṛdayapradūṣaṇaṃ cetomohanaṃ ca tantrāntare proktaṃ, tadatra unmārgamāgatā ityanena tathā madayantītyanena ca saṃgṛhītamiti pṛthaṅgoktam | apasmāroktadoṣaprakopahetava unmāde'pi sannidhyādroddhavyā iti śrījejjaṭācārya | unmādahetavastantrāntare yathā—“viruddhaduṣṭāśucibhojanāni pradharṣaṇaṃ devagurudvijānām | unmādaheturbhayaharṣapūrvo manobhighāto viṣamāśca ceṣṭā ”—iti | pravṛddhā doṣā manovahasrotāṃsi prāptā santo yasmānmano bhramayanti, ato'yaṃ mānaso vyādhiriti sabandha |

Previous: 197.2
Next: 197.5
Up: 197

Linked texts (1)

Suśrutasaṃhitā — Suśruta & Nāgārjuna (siddha/alchemist), Sanskrit