Sushruta Samhita 3.10.4
Suśrutasaṃhitā 3.10.4
- Language
- Sanskrit
3.10.4
viśeṣatas tu garbhiṇī prathamadvitīyatṛtīyamāseṣu madhuraśītadravaprāyamāhāram upaseveta, viśeṣatas tu tṛtīye ṣaṣṭikaudanaṃ payasā bhojayeccaturthe dadhnā pañcame payasā ṣaṣṭhe sarpiṣā cetyeke, caturthe payonavanītasaṃsṛṣṭamāhārayejjāṅgalamāṃsasahitaṃ hṛdyam annaṃ bhojayet , pañcame kṣīrasarpiḥsaṃsṛṣṭaṃ , ṣaṣṭhe śvaśvadaṃṣṭrāsiddhasya sarpiṣo mātrāṃ pāyayed yavāgūṃ vā, saptame sarpiḥ pṛthakparṇyādisiddham, evam āpyāyate garbhaḥ; aṣṭame badarodakena balātibalāśatapuṣpāpalalapayodadhimastutailalavaṇamadanaphalamadhughṛtamiśreṇāsthāpayet purāṇapurīṣaśuddhyartham anulomanārthaṃ ca vāyoḥ, tataḥ payomadhurakaṣāyasiddhena tailenānuvāsayet, anulome hi vāyau sukhaṃ prasūyate nirupadravā ca bhavati, ata ūrdhvaṃ snigdhābhir yavāgbhir jāṅgalarasaiścopakramedāprasavakālāt; evam upakrāntā snigdhā balavatī sukhamanupadravā prasūyate / /
Commentaries (2)
- Bhānumatī — Cakrapāṇidatta, Sanskrit
- Nibandhasaṅgraha — Ḍalhaṇa, Sanskrit
Linked texts (1)
- Śabdakalpadruma — Rājā Sir Rādhākānta Deb, Sanskrit
Discussed in (2)
- A History of Indian Medical Literature — Meulenbeld 1999, English
- Indian Medicine (Medicin), translated by C. G. Kashikar — Jolly & Kashikar 1901, English