The Compendium of Suśruta 6.65.10

Suśrutasaṃhitā 6.65.10

Language: Sanskrit

6.65.10

yo+artho+abhihitaḥ sūtre pade †vā sa padārthaḥ; padasya padayoḥ padānāṃ vā+arthaḥ padārthaḥ; aparimitāśca padārthāḥ/
yathā snehasvedāñjaneṣu nirdiṣṭeṣu dvayostrayāṇāṃ vā+arthānāmupapattirdṛśyate, tatra yo+arthaḥ pūrvāparayogasiddho bhavati sa grahītavyaḥ; yathā devotpattimadhyāyaṃ vyākhyāsyāma ityukte sandihyate buddhiḥ katamasya †vedasyotpattiṃ vakṣyatīti, yataḥ ṛgvedādayastu vedāḥ; vida vicāraṇe, vidḷ lābhe, ityetayośca dhātvoranekārthayoḥ prayogāt,tatra pūrvāparayogamupalabhya pratipattirbhavati āyurvedotpattimayaṃ vivakṣuriti; eṣa padārthaḥ//

Previous: 6.65.9
Next: 6.65.11
Up: 6.65

Commentaries (1)

Nibandhasaṅgraha — Ḍalhaṇa, Sanskrit

Linked texts (2)

Tantrayukti — Sanskrit
Tantrayuktivicāra (ed. N. E. Muthuswami) — Sanskrit