Arogyacintamani (Damodaramishra) 10.7

10.7

vāstukaṃ grahaṇīkuṣṭhatridoṣārśoharaṃ⁴ saram
tadvallaghutarā jhillī kākamācī nṛpakṣavaḥ
taṇḍulīyo himo rūkṣo viṣapittā⁵srakāsajit
cāṅgerī kaphavātārśaḥsaṃgrāhi⁶ṇyatisārahṛt
svādu rūkṣaṃ salavaṇaṃ vātaśleṣmaharaṃ guru
padmākajikṣavastumbuvārtahṛdrohidīpanaḥ || (?)
varṣābhūvāstukau mānyaśophavātakaphāpahau
mūlakaṃ doṣakṛtkāmaṃ ⁷svinnaṃ vātakaphāpaham
syādhṛdyaṃ sarvadoṣaghnaṃ⁸ sakṣāraṃ komalaṃ yadi
hṛdyaṃ paṭolaṃ kṛmihṛtsvādu śītaṃ rucipradam
pittalaṃ dīpanaṃ bhedi vātaghna bṛhatīdvayam
kāravellaṃ sutiktaṃ syāddīpanaṃ kaphajitparam
karkoṭakaṃ jvaraśvāsakāsakuṣṭha^1 viṣāpaham
vārtākaṃ kaṭu tiktoṣṇaṃ madhura kaphavātajit