Arogyacintamani (Damodaramishra) 71.32

71.32

gomūtrasvarjikādantilāṅgalīcitramūlikaiḥ
kṛṣṇāśirīṣabījārkakṣīraiḥ sāmayasaindhavaiḥ
haridrādakṣāviḍguñjāgomūtraiḥ pippalīyutaiḥ
etallepatrayaṃ yojyaṃ śīghramarśovināśanam
¹dantyaśvamārakāsīsaviḍaṅgailāmrisaindhavaiḥ
sārkakṣīrabhṛta tailamabhyaṅgātpāyukīlanūt
lepaḥ snukkṣīrarātrimyāṃ bandhastalliptatantunā
devadālyambunā śaucaṃ sadā'dyātsaguḍāṃ śivām
nāgasya nalikāṃ sindhughṛtāktāṃ nikṣiped gude
citrakaṃ saindhavaṃ śuṇṭhīṃ piṣṭvā takreṇa pāyayet
²citrakākte ghaṭe takaṃ saṃjātaṃ dadhi vā pibet
cavyacitrakasaṃyuktamarśoghnaṃ śīlayeddadhi
saindhavadviguṇaṃ dantibhallātāgnikalatrikam
śarāvasaṃpuṭe ³dagdhamaśrīyād gudajāmayī
sūraṇavaṭakam
kṛṣṇāmarīcaviśvāgnisūraṇairdviguṇottaraiḥ
saguḍai⁴rguṭikā'rśoghnī kāryamandāgnigulmanut
dvitīyaṃ sūraṇavaṭakam
⁵dvipalaṃ sūraṇaṃ vṛddho muśalyāścitrakātpalam
bilvabhallātatāḷīsaviśvagranthivarākaṇāḥ
tryakṣāṃśāḥ ⁶kārṣikā bhṛṅgoṣaṇailā dviguṇo guḍaḥ
mandāgnyarśaḥkṣayaplīhagrahaṇīmehaśophanut
kāṅkāyanavaṭakam
kṛṣṇāgranthikacavyāgnipathyāḥ karṣābhivardhitāḥ
jīrakānmaricāccākṣaḥ kṣārād dve pañca nāgarāt
1kandāt ṣoḍaśa bhallātādaṣṭau ṣaṇṇavatirguḍāt
eṣāṃ kāṅkāyanārūdyāṃśca vaṭakān karṣasaṃmitān
kṛttvaikaṃ bhakṣayetprātastakramambho'nu vā pibet
mandāgnigrahaṇīpāṇḍusarvāśaunāśanaṃ param
kuṭajāvalehaḥ
kuṭajasya jaladroṇe kaṣāyo'ṣṭāṃśaśeṣitaḥ
rasāñjanāgnibhallātavellavyoṣavarāpalaiḥ
triṃśatpalaguḍairlajjā2 vacāviśva3yavājyayuk
lehaśca sarvadurnāmapāṇḍumehātisāranut
palāśakṣāraghṛtam
vyoṣagarbhaṃ palāśasya triguṇe bhasmavāriṇi
sādhitaṃ pibataḥ sarpiḥ sarvārśaḥpātanaṃ bhavet
atideśavidhiḥ
vātātisāravadbhintravarcasyarśa4syupācaret
udāvartavidhānena ॰gāḍhaviṭkāni cāsakṛt
raktārśasi
uśīrāriṣṭadārbītvaktvakkvāthaḥ syācchoṇitārśasām
śuṇṭhīcandanabhūnimbadhanvayāsabhavo'tha vā
6vṛkṣakasya tvacaṃ bījaṃ tārkṣyājājīvivaṃ madhu
pibettaṇḍulatoyena durnāmāsrārtiśoṣaṇut
bolakesarakhaṇḍairvā tilairvā navanītakam
kiñjalkamākṣikābhyāṃ vā lehyamarśovināśanam
kaliṅgadhātakīlodhrakesarotpalavatsakaiḥ
siddhaṃ jale ghṛtaṃ 7raktasrāvārśaḥ śūlaśāntaye
prāṇadavaṭakaḥ
tāḷisoṣaṇacavyākṣo dvayakṣe granthikaṇe tathā
tryakṣāḥ pathyāścaturjātaḥ karṣaḥ syācchlakṣṇacūrṇitāt