Arogyacintamani (Damodaramishra) 76.19

76.19

abhayā pippalīmūlaṃ devadāru mahauṣadham
citrakaṃ pippalīmūlaṃ pippalī nāgapippalī
trīn lehān kaphakāsaghnānetān bhuñjīta mānavaḥ
mañjiṣṭhādicūrṇam
mañjiṣṭhā'ñjanamūrvā'gnipāṭhāku ṇaniśārajaḥ
kṣatakṣayārśaḥ kuṣṭhāsmakāsaśvāsaṃ ca nāśayet
padmakādicūrṇam
devadāru balā rāsnā tri phalā vyoṣapadmakam
viḍaṅgaile sitātulyaṃ cūrṇaṃ syātpañcakāsajit
kaṇṭakārīghṛtam
ghṛtaṃ rāstrābalāvyoṣaśvadaṃṣṭrākalkapācitam
kaṇṭakārirase sarvakāsavaisvaryanāśanam
sāmānyopāyāḥ
pathyāviśvaguḍābdānāṃ ^1vaṭakān dhārayenmukhe
sarveṣu śvāsakāseṣu kevalaṃ vā bibhītakam
śilā''leṅgagudayaṣṭyabdamāṃsīdhūmaṃ piben tryaham
guḍakṣīrānupānāḍhya sarvakāsanivṛttaye
iti kāsacikitsā
atha śvāsacikitsā
mahordhvacchinnatamakakṣudrāḥ śvāsāśca pañcadhā
mahāśvāso mahāghoṣaḥ saṃjñādṛgdṛgvivartanaḥ
ūrdhvagastūrdhvadṛṣṭiḥ syānmopahṛtpārśvaśūlavān
vicchinnaṃ yaḥ śvasityuccairutkāsaśchinnasaṃjñitaḥ
tamakaḥ pīnasodrekī saṃmoho durdine balī
^2mandāyāsodbhavaśvāso nirbādhaḥ kṣudrasañjñitaḥ
kṣudraḥ sādhyastamo yāpyaḥ pare tyājyāḥ pramādinaḥ
śvāsahikkāture pūrvaṃ tailākte sveda iṣyate
ūrdhvādhaḥśodhanaṃ śakte durbale śamanaṃ matam
sakṣaudrā''dyāḥ kaṇādrākṣāśṛṅgīpathyādurālabhāḥ