Arogyacintamani (Damodaramishra) 99.395

99.395

mustākhu karṇyadikaṣāyaḥ
mustākhu karṇīphaladāruśigrukvāthaḥ sakṛṣṇākṛmiśatrukalkaḥ
mārgadvayenāpi cirapravṛttakṛmīn nihanti krimijāṃśca rogān
surasādigaṇaprayogaḥ
surasādigaṇakvāthaṃ cūrṇitailādikalkitam
palāśabījaprayogaḥ
palāśabījakalkaṃ vā pibeddhānyāmlasaṃyuktam
kṛmiśatruprayogaḥ
āranāḷena pātavyaḥ kṛmighnaḥ kṛmiśatrujaḥ
pīto hanti kṛmīn sarvān likucasya rasena vā
surasā''dikvāthaḥ
surasā cākhukarṇī ca śigrumūlaṃ tathaiva ca
neridaṃ triphalā caiva kvātha etairvimiśritaḥ
cūrṇaiśca kṛmiśatrūṇāmāśu nāśayate kṛmīn
brahmavṛkṣādikvāthaḥ
brahmavṛkṣapravālāgnitriphalā kathitaṃ jalam
hiṅguyuktaṃ pibedrātrau sarvakṛmivināśanam
mustādikvāthaḥ
mustā'gniśigruciribilvamahauṣadhānāṃ
kvāthaḥ palāśatarubījarajovimiśraḥ
kṛmyāmagauravamahodaravahnimāndya1doṣān haredarucipīnasanāśanaṃ syāt
ākhukarṇīpalāśāṅkurakaṣāyau
ākhukarṇikaṣāyo vā palāśāraṅkurajo'tha vā
peyaḥ kṛmīṇāṃ nāśāya sayaṣṭīrkarastathā
khadirakuṭajādikaṣāyaḥ
khadiraḥ kuṭajaḥ picumandavacātrikaṭutriphalāciribilvayutam
samaniṣkathitaṃ pibatāmācirāt
kṛmikoṭiśatānyapi nāśayati
ākhukarṇīmūlakaṣāyaḥ
śrṛtamākhukarṇamūlaṃ
taṇḍulatoyena pītamapaharati
palāśadalakvāthaḥ
kṛmikulamathavā hanyāt
palāśadalasādhitaḥ kvāthaḥ
akṣīvādikaṣāyaḥ
akṣībamāricakebukagaṇḍīravilaṅkanirguṇḍyaḥ
ghnanti krimi śvadaṃṣṭrāvṛṣākhukarṇyastathā na cirāt
vāte
bhadradārvādiḥ
bhadradāru nataṃ kuṣṭhaṃ daśamūlaṃ balādvayam
vāyuṃ ^1vīratarādiśca vidāryādiśca nāśayet
śuṇṭhībalākvāthaḥ
śuṇṭhībalābhyāṃ kvātho'yaṃ hiṅgusaindhavasaṃyutaḥ
agnimūlasamāyukto vātadoṣavināśanaḥ
nirguṇḍyeraṇḍādiḥ
nirguṇḍyeraṇḍakoraṇṭanaladvayanidigdhikaiḥ
aśvagandhākuberākṣikṣipapuṣāhiṅgubhiḥ kṛtaḥ