Gadanigraha 62.74

62.74

netrasandhivatanavarogāṇāṃ lakṣaṇāni
pakkaḥ śophaḥ sandhiyo yaḥ satodaḥ sravetpūyaṃ so hi pūyālasākhyaḥ
granthiḥ sthūlo dṛṣṭisandhāvapākī kaṇḍūmāyo nīrujastūpanāhaḥ 69
gatvā sandhīnaśrumārgeṇa doṣāḥ kuryuḥ srāvān lakṣaṇaiḥ svairupaitān
taṃ hi srāvaṃ netranāḍīti caike tasyā liṅgaṃ kīrtayiṣye caturdhā
pākātsandhau saṃsravedyastu pūyaṃ pūyāsrāvo'sau gadaḥ sarvajastu
śvetaṃ sāndraṃ picchilaṃ yaḥ sravettu śleṣmasrāvo'sau vikāro matastu
raktāsrāvaḥ śoṇitottho vikāraḥ sravedduṣṭaṃ tatra raktaṃ prabhūtam
haridrābhaṃ pītamuṣṇaṃ jalābhaṃ pittātsrāvaḥ saṃsravetsandhivadhyāt
tāmrā tanvī dāhaśūlopapannā jñeyā vaidyaiḥ parvaṇī vṛttaśophā
jātā sandhau kṛṣṇaśukle'lajī syāttasminneva khyāpitā pūrvaliṅgaiḥ
kṛmigranthirvartmanaḥ pakṣmaṇaśca kaṇḍūṃ kuryuḥ kṛmayaḥ sandhijātāḥ
nānārūpā vartmaśuklāntasandhau carantyantarlocanaṃ dūṣayantaḥ