Gadanigraha 67.147

Language: Sanskrit

67.147

paṭolanimbajambvāmradalakvāthastathaiva ca
mukharoge drākṣādikaṣāyaḥ
drākṣā paṭolaṃ madhukaṃ sanimbaṃ trivṛddharidrā sumanaḥpravālāḥ
sasaindhavaṃ kṣaudrayutaṃ vadanti sukhoṣṇakalkaṃ vraṇaśodhanīyam 145
drākṣāguḍūcīsumanaḥpravāladārvīyavāsatriphalākaṣāyaḥ
kṣaudreṇa yuktaḥ kavalagraho'yaṃ mukhasya pākaṃ śamayatyudīrṇam 146
mukhapāke tilādigaṇḍūṣaḥ
tilā nīlotpalaṃ sarpiḥ śarkarā kṣīrameva ca
sakṣaudro dagdhavaktrasya gaṇḍūṣo mukhapākanut

Previous: 67.137
Next: 67.148
Up: 67

Linked texts (2)

Yogaśataka — Nāgārjuna, Sanskrit
Kumāratantra (Rāvaṇa) — Rāvaṇa, Sanskrit