Cikitsasarasangraha (Vangasena) 52
Cikitsāsārasaṅgraha (Vaṅgasena) 52
- Language
- Sanskrit
52.1
atha bradhnanidānamāha
atyabhiṣyandigurvanna śuṣkapūtyāmiṣāśanāt
karoti granthivat śotha doṣo vaṅkṣaṇasandhiṣu
jvaraśūlāṅgasādāḍhya ta bradhnamiti nirdiśet
52.2
nirvyathaśca kuraṇḍaḥ syāt bradhno bhavati savyathaḥ
ayamevānayorbhedaḥ anyatsarvaṃ samaṃ tathā
52.3
atha cikitsāmāha
bhṛṣṭaścairaṇḍatailena kalka pathyāsamudbhavaḥ
kṛṣṇāsaindhavasaṃyukto bradhnrogaharaḥ paraḥ
52.4
āvichīreṇa godhūmacūrṇaṃ kunduru kasya ca
pralepanaṃ sukhoṣṇa syād bradhnrogahara param
52.5
mṛtamātre ca vai kāke viśāle tu praveśayet
bradhne suhṛttaṃ medhāvī tatkṣaṇādarujo bhavet
52.6
ajājīhapuṣākuṣṭha godhūma vadarānvitam
kāñjikena tu sapiṣṭa kuryāṭṭa bradhnapralepanam
52.7
śvadaṃṣṭrāsindhuviśvāndadārukramiharāśmabhit
lodhracūrṇaṃ ghṛtenādyādvātabradhnaharaṃ param
52.8
puṣyoddhṛtaṃ haredāśu viplutaṃ tuṣavāriṇā
bhārgīmūlamakhaṇḍantu pānādvaṅkṣaṇavātajit
52.6-2
mūlaṃ vilva kapitthayoraralukasyāgnerbṛhatyārdrayoḥ
śyāmāpūtikarañjaśigrukatarorviśvauṣadhāruṣkaram
kṛṣṇāgranthikacavyapañcalavaṇa kṣārājamodānvitam
pītaṃ kāñjikakoṣṇatoyamathitaiścūrṇīkṛtaṃ bradhnajit
52.10
iti vilvādya cūrṇam
saindhavaṃ madanaṃ kuṣṭhaṃ śatāhnā niculaṃ vacā
hrīvera madhuka bhārgī devadāru sanāgaram
52.11
kaṭphalaṃ pauṣkara mede cavikā citrakaṃ śaṭī
viḍaṅgātiviṣā śyāmā hareṇu nalinī sthirā
52.12
viśvājamoṭe kṛṣṇā ca dantī rāstrā ca taiḥ samaiḥ
sādhyamairaṇḍajaṃ tailamabhyaṅgātkaphavātajit
52.13
bradhnodāvarttagulmārśaḥ plīhamehāḍhyamārutān
ānāhamaśmarīñcaiva hanyāttadanuvāsanāt
Linked texts (5)
- Siddhayoga (Vṛndamādhava) — Vṛnda, Sanskrit
- Cakradatta (Cikitsāsaṅgraha) — Cakrapāṇidatta, Sanskrit
- Siddhayoga (Vṛndasuni) — Vṛndasuni, Sanskrit
- Vīrasiṃha — Bhoja, Sanskrit
- Vīrasiṃhāvaloka — Vīrasiṃha, Sanskrit