Virasimha 1.p8

1.p8

manaḥśilailāsuradārukuṃkumairuśīrayaṣṭīmadhupadmakānvitaiḥ | satāmrapuṣpairviṣamasthite ravau śubhāvahaṃsnānamudāhṛtaṃbudhaiḥ || vidrumaṃ ca dhāryaṃ | kṣīṇeṃdudaśājanitabādhopaśāṃtaye yathā imaṃdeveti japaḥ | pālāśībhiḥ samidbhirjuhuyāt śaṃkhaṃ dadyāt | paṃcagavyagajadānavimiśraiḥ śaṃkhaśuktikumudasphaṭikaiśca | śītaraśmikṛtavaikṛte hitaṃ snānametaduditaṃ nṛpatīnām || raupyaṃ muktāphalaṃ ca dhāryaṃ | ketudaśāṃtargatabudhajanitaduritakṣayāya udbudhyasveti maṃtrajapaḥ | apāmārgasamidbhirjuhuyāt hema dadyāt | gomayākṣataphalaiḥsarocanaiḥkṣaudraśuktibhavamūlahemabhiḥ | snānamuktamidamatra bhūbhṛtāṃ bodhanāśubhavināśanaṃ budhaiḥ|| hema dhāryaṃ | śanaiścarāṃtargatarāhujanitaduritopaśamāya kayānaścitra iti maṃtreṇa japaḥ | dūrvāsamidbhirhomaḥ āyasaṃ ca dadyāt | asitatilāṃjanalodhrabalābhiḥ śatakusumāghanalājayutābhiḥ | ravitanaye kathitaṃ viṣamasthe duritahadāplavanaṃ munimukhyaiḥ || rājāvarttaparidhānaṃ ca | atha karmavipākābhiprāyeṇa jvarasya hetumāha tatpratīkāraṃ ca tathāha gārgyaḥye punaḥpūrvajanmani krūrāḥpiśunacetasaste'nyajanmani saṃtatajvaravantaḥ syuḥ | tacchamanāthaṃ jātavedamaṣṭotśatayutaṃ kalpam | sahasrakalaśābhiṣekaṃ mahādevasya kuryāt brāhmaṇabhojanaṃ ca kārayet | anyacca--