Virasimha 11.p1.3

11.p1.3

snuhīkṣīraṃ palaṃ dadyād ghṛtasyāṣṭau pradāpayet | yāvatpibati tadviṃdūṃstāvadvegādvimucyate || etadviṃdughṛtaṃ siddhamṛṣibhiḥ samudāhṛtam | iti biṃdughṛtam | pītaḥ plīhodaraṃ hanti pippalīmarikcānvitaḥ | amlavetasasaṃyuktaḥ śigrukvāthaḥ sasaiṃdhavaḥ || pālāśakṣāratoyena bhāvitā pippalī śubhā | gulmaplīhodaraṃ haṃti vahnerdīpanakārikā || arkapatraṃ salavaṇaṃ puṭadagdhaṃ sucūrṇitam | nihaṃti madhunā pītaṃ plīhānamatidāruṇam || śarapuṃkhāmūlakalkaḥ pītastatreṇa nāśayatyā carāt | ciratarakālasamutthaṃ plīhānaṃ rūḍhamavagāḍham || harītakīnāgaradevadāru punarnavācchinnaruhākaṣāyaḥ | saguggulurmūtrayutaśca peyaḥ śophodarāṇāṃ pravaraḥ prayogaḥ| rohītakābhayāśuṃṭhīḥ pibenmūtreṇa śaktitaḥ | sarvodaraharaḥ plīhamehārśaḥ kṛmigulmanut || pātavyo yuktitaḥ kṣāraḥ kṣīreṇodariyuktitaḥ | payasā ca prayoktavyāḥ pippalyaḥ plīhaśāṃtaye | eraṃḍatailaṃ daśamūlamiśraṃ gomūtramiśrastriphalāraso vā | nihaṃti vātodaraśophaśūlaṃ kvāthaḥ samūtro daśamūlajo vā || gomūtrayuktaṃ mahiṣīpayaśca kṣīraṃ gavāṃ vā triphalāvimiśram | kṣīrāmlabhukta kevalameva gavyaṃ mūtraṃ pivedrā śvayathūdareṣu || udakānūpajaṃ māṃsaṃ śākaṃ piṣṭakṛtaṃ tilam | vyāyāmādhvadivāsvapnapānājīrṇaṃ vivarjayet || tathoṣṇalavaṇāmlāni vidāhīni gurūṇi ca | nādyādannāni jaṭharī toyapānaṃ ca varjayet || iti vīrasiṃhāvaloke udaraplīhodaraśophodarādhikāraḥ || atha śvayathurogasya jyotiṣaśāstrābhiprāyeṇa hetumāha tatpratīkāraṃ ca | nīcasthagurudaśāyāṃ gātre śvayathurguhyakarṇarogāśca iti darśanāt |