Virasimha 16.p2

16.p2

tataḥ prakṣālane kvāthaḥ paṭolīniṃbapatrajaḥ || ālepaḥ pūtimāṃsānāṃ māṃsasthānāmarohatām | kalkaḥ sarohaṇaḥ kāryastilānāṃ madhunānvitaḥ|| niṃbapatramadhubhyāṃ tuṃ yutaḥ saṃśodhanaḥ smṛtaḥ | niṃbapatraṃ tilā daṃtī citrakaṃ hayamārakam || duṣṭavraṇapraśamano lepaḥ śodhanakesarī | madhuyuktā śarapuṃkhā sarvavraṇavirohiṇī || vraṇānsaṃśodhayedvartyā sūkṣmyā saṃdhyasthimarmagān| abhayātrivṛtādaṃtīlāṃgalīmadhusaiṃdhavaiḥ || sṛṣavīpatradhattūrabalāmoṭākuṭherakāḥ | pṛthagetaiḥ pralepena gaṃbhīravraṇaropaṇāḥ || paṃcavalkalacūrṇairvā śukticūrṇasamāyutaiḥ | dhātakīrodhracūrṇairvā tathā rohaṃti te vraṇāḥ || niṃbapatravacāhiṃgusarpirlavaṇasaiṃdhavaiḥ | dhūpanaṃ kṛmirogaghnaṃ vraṇakaṃḍūrujāpaham || agnidagdhe vraṇe samyakprayuṃjīta cikitsakaḥ | pittavidradhivīsarpaśamanaṃ lepanādikam || vātābhibhūtāñchrastāṃśca dhūpayedugravedanān | yavājyabhūrja madanaśrīveṣṭakasurāhvayaiḥ || karaṃjāriṣṭanirguṃḍīraso hanyātkṛmijaṇān | laśunenātha vā dadyāllepanaṃ kṛmināśanam || ye kledapākastrātigaṃdhavaṃtovraṇāḥ mahāṃtaḥ sarujaḥ saśophāḥ | prayāṃti te guggulumiśritena pītena śāṃtiṃ triphalārasena || iti triphalāgugguluḥ | jātīniṃbapaṭolapatrakaṭukādārvīniśāsārivāmaṃjiṣṭhābhayasikyatutthamadhukairnaktāhabījaiḥ samaiḥ | sarpiḥ siddhamanena sūkṣmavadanā marmāśritāḥ srāviṇo gaṃbhīrāḥ sarujo vraṇāḥ sagatikāḥ śudhyaṃti rohaṃti ca || iti jātyādyaṃ ghṛtam | manaśilā samaṃjiṣṭhā salākṣā rajanīdvayam | pralepaḥ saghṛtaḥ kṣaudrastvagviśuddhikaraḥ paraḥ || ayorajaḥ sakāsīsaṃ triphalākusumānica | pralepaḥ kurute kātsnryaṃ sadya eva navatvaci || kālīya kaphalāmrāsthihemakālārasottamaiḥ | lepaḥ sagomayarasaḥ sasavarṇakaraḥ paraḥ || iti śophavraṇacikitsā || sadyaḥ kṛtaṃ vraṇaṃ vaidyaḥ saśūlaṃ pariṣecayet | yaṣṭīmadhukayuktena sarpiṣā mākṣikeṇa tu || matvāgaṃtuvraṇaṃ vaidyo ghṛtakṣaudrasamanvitā | śītā kriyā prayoktavyā pittaraktoṣmanāśinī || āmāśayasthe rudhire vamanaṃ pathyamucyate | pakvāśayasthe deyaṃ ca recanaṃ ca samāsataḥ || kvātho vaṃśatvageraṃḍaśvadaṃṣṭrāśmabhidā kṛtaḥ | sahigusaiṃdhavaḥ pītaḥ koṣṭhasthaṃ srāvayedasṛk | yavakolakulutthānāṃ nissnehena rasena vā | bhuṃjītānnaṃ yavāgūṃ vā pivetsaiṃdhavasaṃyutam