Virasimha 21.p1.2

21.p1.2

bahudoṣaḥ saṃśodhyaḥ kuṣṭhī bahuśaścarakṣitā prāṇān || doṣe hyatimātrahate vāyurhanyādvibalamāśu | doṣotkṛṣṭe hṛdaye vamanaṃ kuṣṭheṣu cordhvabhāgeṣu || virecanaṃ prayoktavyaṃ trivṛddaṃtīphalatrikaiḥ | elākuṣṭhaviḍaṃgāni śatāhvā citrakaṃ balā || daṃtīrasāṃjanaṃ ceti lepaḥ kuṣṭhavināśanaḥ | dūrvābhayāsaiṃdhavacakramardakuṭherakāḥ kāṃjikatakrapiṣṭāḥ| tribhiḥ pralepaiḥ parivṛddhamūlāṃdadrūṃca kaṃḍūṃca vināśayaṃti gomūtravārisaṃpiṣṭaiḥ śilātālāṃśatutthakaiḥ | lepaḥ kiṭibhavīsarpakuṣṭhanāśāya pūjitaḥ || āragvadhasya patrāṇi āranālena peṣayet | dadrūkiṭibhakuṣṭhāni haṃti sidhmānameva ca || sthauṇeyarudbhiśādūrvāsaptavārapralepanāt | dhattūrarasapiṣṭāstu kaṃḍūrasavināśanāḥ || kāsamardanamūlaṃ tu sauvīreṇa prapoṣitam | dadrūkiṭibhakuṣṭhāni jayedevaṃ pralepanāt || bījāni vā mūlaka sarṣapāṇāṃ lākṣārajanyauprapunāṭabījam śrīveṣṭakāvyoṣaviḍaṃgakuṣṭhaṃ pītvā ca mūtreṇa tu lepanaṃsyāt dadrūṇi sidhmākiṭibhānipāmāṃ kapālakuṣṭhaṃviṣamaṃcahanyāt gaṃdhapāṣāṇamiśreṇa yavakṣāreṇa lepanam | sidhmāni nāśayatyāśu kaṭutailena yojayet || kāśamardakabījāni mūlakānāṃ tathaiva ca | gaṃdhapāṣāṇamiśrāṇi sidhmānāṃ paramauṣadham || dhātrīrasaḥ sarjarasaḥ supākyaḥ sauvīrapiṣṭaśva tathāśṛtaśva | bhavaṃti sidhmāni yathā na bhūyastathedmudvarttanakaṃ karoti || eḍagajātilasarṣapakuṣṭhaṃ māgadhikārajanīdvayatakrama | haṃti vicārcikapāmādadrūrvarṣaśatādapi naśyati kaṃḍūḥ || siṃdūraguggulurasāṃjanasikthatutthaistulyāṃśakaiḥ kaṭukatailamidaṃ vipakvam |