Virasimha 26.p6

26.p6

ārdrakasūryāvartakasau (śo) bhāṃjanamūlakarasvarasaḥ | madhutailasaiṃdhavayuto'vyuṣṇaḥ karṇaśūlaharaḥ || sau (śo) bhāṃjanasya niryāsastilatailena saṃyutaḥ | sukhoṣṇaḥ pūraṇaḥ karṇe karṇaśūlopaśāṃtaye || cūrṇaṃ paṃcakaṣāyāṇāṃ kapittharasasaṃyutam | karṇasrāve praśaṃsaṃti pūraṇaṃ madhunā saha || sarjatvakcūrṇasaṃyuktaḥ kārpāsīphalajo rasaḥ | madhunā saṃsrutaḥ sādhu karṇasrāve praśasyate || śaṃbūkarasya tu māṃsena kaṭutailaṃ vipācayet | tasya pūraṇamātreṇa karṇanāḍī praśāmyati || atha karṇapratīnāhe snehasvedau prayojayet | tato viriktaḥ śirasaḥ kriyāṃ prāptāṃ samācaret | kledayitvā tu tailena svedena pravilāpya ca | śodhayetkarṇapūraṃ tu bhiṣak śuddhaśalākayā || nirguṃḍīsvarasaṃ tailaṃ siṃdhudhūmarajo guḍaḥ | pūraṇaḥ pūtikarṇasya śamano madhusaṃyutaḥ || sūryāvartakasurasaṃ siṃdhuvārarasaṃ tathā | lāṃgalīmūlakarasaṃ vyūṣaṇenāvacūrṇitam || pūrayetkṛmikarṇaṃ tu jaṃtūnāṃ nāśanaṃ param | ghṛtaṃ rasāṃjanaṃ nāryāḥ kṣīreṇa kṣaudrasaṃyutam || praśasyate cirotthe'pi saṃsrāve pūtikarṇake | kuṣṭhahiṃguvacādaṃtīśatāhvāviśvasaiṃdhavaiḥ || pūtikarṇāpahaṃ tailaṃ bastamūtreṇa sādhitam | śatāvarīvājigaṃdhāpayasyeraṃḍabījakaiḥ | tailaṃ vipakkaṃ sakṣīraṃ pālyāṃ karṇasya puṣṭikṛt