Virasimha 27.p2

27.p2

atha kramaprāptasya śirorogasya jyotiṣaśāstrāmiśrā yeṇa hetumāha tatpratīkāraṃ ca | yaduktaṃ jātake || śiraso ruggalakaḥ śvitraṃ sahasā jvaraṃ śūlam | tapanadaśāyāṃ śukre deśatyāgo bhavedaribhiḥ || aṃtardaśā daśāyāṃ sitasya śaśino yadā bhavati tadā śirorogaḥ| budhasyāṃtargate kujepi śirorogaḥ || uktaṃ ca mastakaśalavirodhairnānākleśaiśca yujyate jaṃtuḥ | iṃdusutasya daśāyāṃ bhaumasyāṃtardaśā yadā bhavati atha tapanadaśāyāṃ śukre vartamāne śirorogadarśane śukraprītaye pūrvoktameva kuryāt śukradaśāntarvarttamāne candre candaprītayepi pūrvoktaṃ kāryam | budhadaśāyāmapi prāpte maṃgale śirorogapratīkārāya bhaumaprītaye pūrvoktaṃ kuryāt| atha śirorogasya karmavipāke hetumāha tatpratīkāraṃ ca | gurūparodhī śirorogī bhavati | vaidyaśāstroktānyauṣadhāni dadyāt | aparaṃ ca brahmacārī pūrvajanmaniprāyopaveśanena naiṣṭhikādivratatyāgī śirorogī bhavati | paṃcāśadbrāhmaṇabhojayet | udyannadyetyṛcaṃ japet | kuṣmāṃḍī bhirjuhuyāt | aparaṃ ca brahmacārī pūrvajanmani bhinnakāṃsyapātre bhuktvā ekadeśaśirorogī bhavati | tadā akṣipyāmiti sūktamaṣṭottaraśataṃ japet | cara ghṛtābhyāṃ juhuyāt | vaidyaśāstroktānyauṣadhāni dadyāt | brahmacārī yadāśnīyādbhinnapātre viśeṣataḥ | ekadeśaśirorogī bhavatītyāha nāradaḥ || iti nāradīyapurāṇavacanāt | dvādaśabrāhmaṇānbhojayet | ityarddhaśīrṣarogaḥ | brāhmaṇorddhaśirorogī vāyupurāṇātupavītaṃ hiraṇyena kāryaṃ tu palasaṃkhyayā | tadardhena tadardhena yathāvibhavato'pi vā || uttarīyaṃ ca vimalaṃ tadanyatsaṃkhyayā kṛtam | brāhmaṇāyāgragaṇyāya śrotriyāyopapādayet || maṃtreṇānena vidhivatpūjitāyāṃgulīyakaiḥ | dhātā vidhātā jagatāṃ paramātmā caturbhujaḥ || vināśayatu me kṣipraṃ rogavegaṃ śirogatam