Virasimhavaloka 21.p1.1

21.p1.1

atha gurutalpago vāvakīrṇī duścarmā bhavati | asau vyādhitāratamyena gurutalpādyuddeśena prāyaścittaṃ kuryāt| a tha nānāsthānavisphoṭarogeṣu hetumāha tatpratīkāraṃ ca anirdeśāyāḥ goḥ payaḥpītvāsphoṭavānbhavati sa kṛcchrasāṃtapanaṃkuryāt hiraṇyaṃvā sāṃsi gāśva dadyāt iti hastapādatalasphoṭeṣu | kākakharādimāṃsabhakṣakaḥ pārśvayoḥ sphoṭavān bhavati | tadā kṛcchrātikṛcchracāṃdrāyaṇāni kuryāt | tāni samastāni vyastāni vyādhilaghugurubhāvātkartavyāni śivasaṃkalpa sūktamaṣṭottarāyutaṃ japet | atha kramaprāptasya visarparogasya sanidānaṃ cikitsitamāha rugviniścayāt || lavaṇādikatṛṣṇādisevanāddoṣakopanāt | visarpaḥ saptadhā jñeyaḥ sarvataḥ parisarpaṇāt || pṛthaktrayāstribhiścaiko visarpā dvaṃdvajāstrayaḥ | vātikāḥ paittikaścaiva kaphajaḥ sāṃnipātikaḥ || catvāra eva vīsarpā vakṣyaṃte dvaṃdvajāstrayaḥ | āgneyo vātapittābhyāṃ graṃthyākhyaḥ kaphapittajaḥ || yastu kardamako ghoraḥ sa pittakaphasaṃbhavaḥ | raktaṃ lasīkā tvaṅmāṃsaraktadoṣāstrayo matāḥ || visarpāṇāṃ samutpattau vijñeyāḥ sapta dhātavaḥ | sidhyaṃti vātakaphapittakṛtā visarpāḥ sarvātmakaḥkṣatakṛtaśca na siddhimaiti | pittātmakoṃjanavapuśca bhavedasādhyaḥ kṛcchrāśca marmasu bhavaṃti hi sarva eva || virekavamanālepāḥ secanāsṛgvimokṣaṇam | upācaredyathādoṣaṃ visarpānavidāhibhiḥ || kuṣṭhaṃ śatāhvā suradāru mustā vārāhikustuṃbarukṛṣṇagaṃdhā | vāte'rkavaṃśārttagalāśca yojyāḥ sekeṣu lepeṣu tathā ghṛteṣu || prasekāḥ pariṣekāśca śasyaṃte paṃcavalkalaiḥ | padmakośīramadhukaiścaṃdanairvā praśasyate ||