Mādhava's Diagnostics 5.73

5.73

bhavati so'pi jvaraḥ prāṇāntakṛt māraka ityarthaḥ | aparamasādhyalakṣaṇamāha-śūnasya śothayuktasya puruṣasya, kṣīṇasya jvareṇa | suśrutoktaṃ sādhyagambhīrajvaralakṣaṇamāha-gambhīrastvityādi | ānaddhatveneti doṣapurīṣavivandhena | aparamasādhyalakṣaṇamāha-ārambhādityādi | tacca viṣamatvaṃ satatādirūpatvena boddhavyam | lakṣaṇāntaramāha-hatetyādi | gambhīro'ntarvegaḥ, tīkṣṇo'tiduḥsaho bahirantaśca, tābhyāmanyonyamārtaṃ pīḍitaṃ, kṣāmaṃ kṣīṇamitthaṃbhūtaṃ jvaritaṃ svārthavicāryāśoddhānibhayādasādhyatvātparivarjayet | eṣāmasādhyalakṣaṇānāmupalakṣaṇatvādanyānyapi tantrāntareṣu dṛṣṭavyāni | tadyathā-"āvilākṣaṃ pratāmyantaṃ nidrāyuktamatīva ca | kṣīṇaśoṇitamāṃsaṃ ca naraṃ kṣapayati jvaraḥ || yastāmyati svapiti śītalagātrayaṣṭirantarvidāhasahitaḥ saraṇādapetaḥ | socchvāsavān kupitaromacayaḥ saśūlastaṃ varjayedbhiṣagiha jvaritaṃ vidhijñaḥ"- iti ( ā0 da0 ) || 66-73||-