Parahitasamhita 1.690

1.690

eṣāvalehikā hanti sannipātaṃ sudāruṇam
hikkāṃ śvāsaṃ bhramaṃ kāsaṃ mohaṃ mandāgnināmapi
mohaṃ tiktākaṇāśṛṅgī viṣākṣaudrāvalehikāḥ
kṣaṇabhaṅgamiva kṣipraṃ pratyabhijñā vyapohati
indralupte yathā svinnāṃ śirāṃ viddhvā pralepayet
....yagāḍhaṃ kāsīsamanohvā tutthakoṣaṇaiḥ
vanyāmaratarubhyāṃ vā guñjāmūlaphalaistathā
tathā lāṅgalikāmūlaiḥ karavīrarasena vā
dhuttūrakasya pattrāṇāṃ bhallātakarasena vā
mālatīcitrakāśvattha naktamālaiḥ prasādhitam
vātārūṃśikayostaila mabhyaṅgaḥ kṣāramṛṣṭayoḥ
śuklaromodgame limpenmarṣīṃ meṣāviṣāṇajām
varjayedvāriṇā sekaṃ yāvadromasamudbhavaḥ
khalatau palite vallyāṃ harilomni ca śodhitam
nasyavaktraśirobhyaṅga pralepaiḥ samupācaret
śikhipittaṃ bisāmrāsthimadayantyañjanotpalaiḥ
sanelībhṛṅgakāsīsairakṣatailaṃ samaiḥ pacet
lohabhāṇḍasthitaṃ māsamakālapalitaṃ jayet
etadabhyaṅgamātreṇa nāvanena ca kālajam
amṛtāmalakaṃ nīlī tulasīkhastikoddaṭaiḥ