sharngadhara 11.107

11.107

dī0—aparamapyāha, —elā madhukaiti | elādiko'yaṃ yogaḥ | atra madhukaṃ madhuyaṣṭī, gokaṇṭako gokṣurakaḥ, reṇukā prasiddhā | aśmabhedaḥ pāṣāṇabhedaḥ | susādhita iti samyak kathitaḥ | śilājatu prakṣepye sādhu | tattu māṣacatuṣṭayaṃ vyavahārāt | kṛcchraheti mūtrakṛcchrarogaghna ityarthaḥ | samūlagokṣureti ayaṃ pañcāṅgagokṣurakvātho'pi sitāmadhuprakṣepaḥ dvitīyaḥ mūtrakṛcchranāśano jñeyaḥ || uṣṇasamīraṇamiti mūtrāghātabhedaḥ || || 105-107 ||
atha gokṣurādikvāthaḥ kṛcchrādau-mākṣikaṃ madhu, eraṇḍajaṭā, vāsakaḥ vāsāpatraṃ, kṛṣṇā pippalī, aśmabhedaḥ pāṣāṇabhedaḥ, eṣāṃ sādhitaḥ kvāthaḥ śilājatusalayutaḥ peyaḥ śarkarādināśakaḥ śarkarā prastarabhedaḥ uṣṇasamīraṇaṃ uṣṇavātaṃ rogaviśeṣaḥ || 105-107 ||