sharngadhara 11.134

Gūḍhārthadīpikā 11.134

Language: Sanskrit

11.134

dī0—paṭolamiti | ayaṃ paṭolādikvātho vātarakte sādhuḥ | tiktā kaṭurohiṇī, śeṣaṃ sugamaṃ | ayaṃ yogaḥ pittaprāye prāyeśaḥ pracarati |
gū0—paṭolādīnāṃ kvāthaḥ pītaḥ sadāhaṃ dāhasahitaṃ vātāsraṃ vātaraktaṃ jayet |
dī0—atha ścitre kvātho'valgujeti | asau kvātho nityaṃ pratidinaṃ, suśīlitaḥ satatābhyastaḥ, pathyāśināṃ śvitravihitapathyāśinām | avalgujau vākucīti śabdavācyadravyaviśeṣaḥ tasya cūrṇaṃ prakṣepa | dhātrī āmalakīphalāni |
gū0—avalgujacūrṇāḍhyo dhātrīkhadirasārayoḥ kvāthaḥ nityaṃ suśīlitaḥ pathyāśināṃ nṛṇāṃ manuṣyāṇāṃ śvitraṃ śvetakuṣṭhaṃ jayet | dhātrī āmalakī, avalgujā vākucī |

Previous: 11.133
Next: 11.136
Up: 11

Linked texts (1)

Śārṅgadharasaṃhitā — Śārṅgadhara (physician), Sanskrit