Siddhasara p158

p158

pāpātmanāṃ trayo doṣāḥ kurvanty aśubha-bhojinām tvaṅ-māṃsāsṛg-lasīkāḍhya-kuṣṭhāny aṣṭādaśoddhatāḥ audumbaraṃ tad-ābhāsaṃ śvitraṃ syāc chaṅkha-saṃnibham kākaṇaṃ pakva-guñjābhaṃ carmākhyaṃ gajākṛti-vat pauṇḍarīkaṃ sva-saṃjñābham ṛṣya-jihvaṃ ca nirdiśet bahu-vraṇaṃ śatāruḥ syād vyāpy a-svedy eka-saṃjñakam tvak-sthaṃ carma-dalaṃ pāda-sphuṭanaṃ ca vipādikā daśaitāni na sidhyanti śeṣāṇy aṣṭau prasādhayet kapālaṃ asitaṃ rūkṣaṃ sthūlāruḥ syād visarpi ca kitimaṃ kiṇa-vac chyāvaṃ dadruḥ piṭakitācayaḥ tumbī-puṣpa-nibhaṃ sidhmaṃ syāt snigdhaṃ maṇḍalaṃ sthiram sphoṭāsītaruṇā pāmā sa-srāvā ca vicarcikā