Siddhasara p163

p163

raktottaraṃ tri-doṣaṃ ca sarva-kuṣṭhaṃ prakīrtitam B 43r2/D 32v1/M 33r1 tasmāt snigdhasya moktavyāḥ kuṣṭhino balinaḥ sirāḥ kuṣṭhe 'lpe pracchānaṃ pātaḥ śṛṅgālābu-jalaukasām vamanaṃ ca yathā-doṣaṃ vidheyaṃ sa-virecanam śastrāti-ge hṛta-sparśe kuṣṭhe syāt kṣāra-pātanam sa-mantro viṣa-lepaś ca supte 'ti-kaṭhine sthire paṭola-tri-phalāriṣṭa-guḍūcī-dhāvanī-vṛṣaiḥ sa-karañjair ghṛtaṃ pakvaṃ kuṣṭha-hṛd vajrakaṃ smṛtam bhūnimba-tri-phalośīra-pāṭhāriṣṭābda-vāsakāḥ madhukaṃ śārive tiktā trāyantī-candanāmṛtāḥ kṛṣṇā-padmaka-ṣaḍ-granthā-viśālendra-yava-vṛṣāḥ mūrvā-paṭola-śamyāka-parpaṭātiviṣā niśe sapta-cchada-śatāvaryāv ity eṣāṃ pāda-kalkitam sarpir aṣṭa-guṇe toye dvi-guṇāmalaka-dravam