Siddhasara p182

p182

danty-aśva-māra-kāsīsa-vidangailāgni-saindhavaiḥ sārka-kṣīraṃ śṛtaṃ tailam abhyaṅgāt pāyu-kīla-jit abhayā sa-guḍā bhakṣyā go-mūtrādhyuṣitātha vā sa-kṛṣṇā ghṛta-bhṛṣṭā vā trivṛd-dantī-yutāpi vā sāruṣkaraṃ niṣeveta takraṃ tarpaṇam ādṛtaḥ vahni-dīpyaka-yuktaṃ vā sa-śuṇṭhī-bilvam eva vā citrakākte ghaṭe takraṃ saṃjātaṃ dadhi vā pibet bhārgy-āsphoṭā-guḍūcīnām eṣa eva vidhiḥ smṛtaḥ cavya-citraka-saṃyuktām arśo-ghnīṃ śīlayet surām pibec chīdhu surāḍhyaṃ vā viśva-citraka-saṃyutam saindhavaṃ dvi-guṇaṃ dantī-bhallātāgni-phala-trikam kapāla-saṃpuṭe pakvam aśnīyād gudajāmayī asitānāṃ tilānāṃ prāk prakuñcaṃ śīta-vāry anu khādato 'rśāṃsi śāmyanti dvija-dārḍhyāṅga-puṣṭi-dam vyoṣa-garbhaṃ palāśasya tri-guṇe bhasma-vāriṇi sādhitaṃ pibataḥ sarpiḥ patanty arśāṃsy a-saṃśayam tri-phalā-daśa-mūlāgni-nikumbhānāṃ palaṃ palam vāri-droṇe śṛtaṃ pāda-śeṣe guḍa-tulā-yutaḥ ājya-bhāṇḍa-sthito māsaṃ danty-ariṣṭo niṣevitaḥ gudajārucy-udāvarta-grahaṇī-pāṇḍu-roga-hā dve dve pale viśālāyāḥ kapitthasyāgni-pāṭhayoḥ pathyā-dhātryoḥ pṛthak prasthaṃ dvi-droṇe kvāthayed apām