Siddhasara p188

p188

gudasya dvy-aṅgule kṣetre pārśva-taḥ piṭakārti-kṛt bhinno bhagandaro jñeyaḥ sa ca pañca-vidho mataḥ tīvra-todāruṇā vātāt piṭakā śata-ponakaḥ pittāt tad-vyucchritā raktā sa coṣṭra-grīvakaḥ smṛtaḥ kaphāt kaṇḍū-matī śvetā parisrāvīti gadyate tri-doṣāt sarva-liṅgaḥ syāc chambūkāvarta-saṃjñakaḥ unmārgī pañcamo jñeyaḥ śalyābhyavahṛti-kṣateḥ tri-doṣa-śalya-je tyājye śeṣāḥ kṛcchra-pratikriyāḥ piṭakānām a-pakvānām apakarṣaṇa-pūrvakam karma kuryād virekāntaṃ bhinnānāṃ vakṣyate kriyā eṣaṇā-pāṭanā-kṣāra-vahni-dāhādikaṃ kramam vidhāya vraṇa-vat kāryaṃ yathā-doṣaṃ cikitsitam āragvadha-niśā-kālā-cūrṇājya-kṣaudra-saṃyutā mūtra-vartir vraṇe yojyā śodhanī gati-nāśanī trivṛt tejovatī dantī mañjiṣṭhā rajanī-dvayam tārkṣajaṃ nimba-pattraṃ ca lepo nāḍī-vraṇāpahaḥ