Siddhasara p215

p215

duṣṭair doṣaiḥ pṛthak sarvair bībhatsālocanādibhiḥ chardayaḥ pañca vijñeyās tāsāṃ lakṣaṇam ucyate kṛṣṇa-phena-kaṣāyāccha-śūla-vega-vatīraṇāt paittikī pīta-raktoṣṇa-haritā dāha-lakṣaṇā śleṣma-jā picchila-svādu-śīta-sāndra-kaphodvamā sarva-rūpānvitā jñeyā sannipāta-samutthitā pūty-aniṣṭa-manas-tāpā chardir bībhatsa-jā matā sāsṛk candrakinī tyājyā kṣīṇasyopadravānvitā āmāśaya-bhavāḥ sarvās chardayas tāsu laṅghanam pūrvaṃ vātānvitāṃ muktvā yojyaṃ paścād virecanam abhayā madhunā lehyā hṛdyaṃ vānyad virecanam vamanaṃ balini proktaṃ durbale śamanaṃ smṛtam sa-saindhavaṃ pibet sarpir vāta-cchardi-nivāraṇam lavaṇa-traya-yuktena saṃyuktaṃ try-ūṣaṇena vā sodīcyaṃ gairikaṃ peyaṃ sevyaṃ vā taṇḍulāmbunā śītaṃ dhātrī-rasāḍhyaṃ vā pitta-cchardi-nivṛttaye