Siddhasara p247

p247

vṛddhiḥ sapta-vidhā doṣaiḥ phala-kośa-pradūṣaṇāt vātāt tu pūrṇa-vasty-ābhā pittenodumbaropamā kaphena kaṭhinā vṛttā rakta-jā pitta-liṅginī medasā mahatī mṛdvī mūtra-jā dṛti-vat smṛtā vaṅkṣaṇāsaṅginī vātād dvi- guṇāntra -bhavā kramāt ādhmāta-vasti-vad dīrghā sāntra-vṛddhir na sidhyati sneha-sveda-virekādir vāta-vṛddhau kriyā matā kṣīreṇairaṇḍa-jaṁ tailaṁ pātavyaṁ ca yathā-balam jalaukābhir hared raktaṁ pitta-rakta-samutthayoḥ śītāḥ pradeha-sekāś ca prayojyāḥ pitta-nāśanāḥ kapha-jāṁ mūtra-sampiṣṭair uṣṇa-vīryaiḥ pralepayet pātavyo mūtra-saṁyuktaḥ kaṣāyaḥ pīta-dāruṇaḥ medo-vṛddhau bhavet svedaḥ surasādiś ca lepanam srāvayen mūtra-jāṁ svinnāṁ viddhvādhah-sīvanīṁ tyajan antra-vṛddhāv a-vṛddhāyāṁ dāho vāta-vinigrahaḥ vidagdhāsu ca sarvāsu yojyaṁ karma vraṇāśrayam iti mūtra-kṛcchrādhyāyo 'ṣṭādaśamaḥ