Siddhasara p252

p252

pañcāśad-abhayā-kalkaḥ sauvarcala-pala-dvayam ghṛta-prastham jale siddhaṃ hṛd-roga-śvāsa-gulma-jit śuṇṭhī sauvarcalaṃ hiṅgu dāḍimaṃ sāmla-vetasam cūrṇam uṣṇāmbunā peyaṃ śvāsa-hṛd-roga-muktaye sekā lepā himāḥ paitte madhuraiś ca virecanam piṣṭā vā kaṭukā peyā yaṣṭy-āhvā vā sitāmbunā sthirādi-kalka-vat sarpiḥ kṣīreṇekṣu-rasena vā drākṣā-rasena vā pakvaṃ pitta-hṛd-roga-nāśanam kṛṣṇā śaṭī vacā rāsnā śuṇṭhī pathyā sa-pauṣkarā cūrṇitā vā śṛtā mūtre pātavyā kapha-hṛd-gade tri-doṣe laṅghanaṃ pūrvaṃ yathāvasthaṃ kriyā matā krimi-je ca piben mūtraṃ viḍaṅgāmaya-saṃyutam ity udāvartādhyāya ūna-viṃśatimaḥ