Siddhasara p276

p276

lavaṇānāṁ pṛthak piṣṭvā palārdhaṁ cāmla-vetasāt gṛdhrasī-vāta-rug-gulma-pakṣāghātādi-vāraṇam cavya-sauvarcala-vyoṣa-śigru-saindhava-dhānyakaiḥ akṣāṁśaiḥ sarpiṣaḥ prasthaṁ piṣṭaiḥ prasthonmitaiḥ pṛthak mūlakārdraka-māṁsānāṁ rasa-śuktāmla-kāñjikaiḥ mastu-takra-yutaiḥ pakvaṁ sadā-gati-gadāpaham vasā-majjājya-tailāni vāta-vyādhiṣu yojayet kapha-pittānubandhotthe kāryas tat-praśamaḥ kramaḥ gṛdhrasyāṁ kroṣṭu-śīrṣe ca kṛtvā śoṇita-mokṣaṇam samīraṇa-haraṁ karma prayoktavyam aśeṣa-taḥ śleṣma-medo-'nvito jitvā vātaṁ ūru-dvayāśritam ūru-stambhaṁ karoty ugraṁ sāda-gaurava-rūpiṇam sarvo rūkṣaḥ kramaḥ kāryas tatrādau kapha-nāśanaḥ paścād vāta-vināśāya kṛtsnaḥ kāryaḥ kriyā-vidhiḥ