Siddhasara p292

p292

sannipāta-samutthaś ca sarva-rūpaiḥ samanvitaḥ kṣata-jo rakta-pittābhyāṃ śyāva-lohita-śopha-vān pāka-dāha-jvarāṭopī kṛṣṇa-sphoṭaiś cito mataḥ agni-dagdhair iva sphoṭaiḥ śāntāṅgārāruṇa-prabhaḥ dāha- tṛṣṇādibhir jñeyo vāta-pittātmako 'gnikaḥ pāṇḍu-pītāruṇa-sphoṭo mecakī kapha-pitta-jaḥ malinoṣṇāśraya-kledī kardamaḥ kardamopamaḥ eka-doṣās trayaḥ sādhyāḥ śeṣāḥ sādhyetarā matāḥ ubhayānta-śritāḥ sarve marma-jāś ca viśeṣa-taḥ tṛṇa-varjyaṃ prayoktavyaṃ pañca-mūla-catuṣṭayam lepanaṃ piṣṭa-saṃsiddhair yaṣṭī-sarpiḥ-payo-yavaiḥ vātike kṣīra-seko vā ghṛta-maṇḍena vā smṛtaḥ prapauṇḍarīka-mañjiṣṭhā-padmakośīra-candanaiḥ sa-yaṣṭīndīvaraiḥ paitte kṣīra-piṣṭaiḥ pralepanam sekālepājya-yogeṣu nyagrodhādiḥ praśasyate lepanaṃ śata-dhautaṃ vā sarpir yaṣṭī-madhūtkaṭam srotojośīra-śītābda-muktāmbu-maṇi-gairikaiḥ sa-ghṛtaḥ payasā piṣṭair lepaḥ pitta-visarpa-jit gāyatrī-saptaparṇābda-dhavāragvadha-dārubhiḥ