Siddhasara p297

p297

vigatopadravaḥ sādhyo bala-sthasyaika-doṣa-jaḥ śvayathuḥ sarva-gaḥ kaṣṭo yaś cordhvam upasarpati yathā-doṣaṁ gaṇaiḥ svaiḥ svaiḥ sarpis tailāni kalpayet pralepa-seka-pānāni bhiṣak śvayathu-rogiṣu pañca karmāṇi yojyāni yathāvasthaṁ vidhāna-taḥ vakṣyante 'taḥ paraṁ yogāḥ sāmānyāḥ śopha-nāśanāḥ pibed uṣṇāmbunā dāru-pathyā-śuṇṭhī-punarnavāḥ viḍaṅgātiviṣā-vatsa-viśva-dārūṣaṇāni vā try-ūṣaṇāyo-rajaḥ-kṣāraiḥ śopha-nut triphalā-rasaḥ kaṭukāyo-rajo-vyoṣa-trivṛdbhir vā samanvitaḥ puraṁ mūtreṇa saṁsevyaṁ pippalī vā payonvitā guḍena vābhayā tulyā viśvaṁ vā śopha-rogiṇā yuktyā guḍārdrakaṁ sevyaṁ kṣīra-yūṣa-rasāśinā śopha-śoṣodaronmāda-gulmārśaḥ-śvāsa- śuddhaye