Siddhasara p312

p312

dadhy-amla-marditā piṇḍī paraṃ pācanam iṣyate dāha-ruk-toda-rāgais tu vidagdhaṃ śopham ādiśet mandair etair vipakvaṃ ca valīmat-piṇḍitonnataṃ nikumbhā-snuk-payo-'śmāri-cira-bilvāgnikādayaḥ kapota-dakṣa-viḍ-yuktāḥ kṣāro vā dāraṇaṃ param tila-saindhava-yaṣṭy-āhva-nimba-pattra-niśā- yugaiḥ trivṛd-ghṛta-yutaiḥ piṣṭaiḥ pralepo vraṇa-śodhanaḥ nimba-pattra-tilaiḥ kalko madhunā kṣata-śodhanaḥ ropaṇaḥ sarpiṣā yukto yava-kalke 'py ayaṃ vidhiḥ nirutsaṅgī mṛduḥ snigdho jihvābho vigata-vyathaḥ nirāsrāvo na cotsanno vraṇaḥ śuddhaḥ prakīrtitaḥ pañca-mūla-dvayaṃ vāte nyagrodhādiś ca paittike āragvadhādiko yojyaḥ kapha-je sarva-karmasu tilotpala-balā-dārvī-medā-madhuka-candanaiḥ samaṅgā-dhātakī-sarpir-yuktair lepaḥ prarohaṇaḥ vraṇa-sandhāna-kṛl lepo ghṛtaṃ kṣīrī-drumāṅkuraiḥ triphalā-vaṭa-śuṅgājya-gāyatrī-lodhra-jo 'tha vā arjunodumbarāśvattha-lodhra-jambū-tvacaḥ samāḥ yaṣṭī-katphala-lākṣāś ca cūrṇitāḥ kṣata-rohaṇam tiktā-siktha-niśā-yaṣṭī-naktāhva-phala-pallavaiḥ paṭola-mālatī-nimba-pattrair vraṇyaṃ ghṛtaṃ śṛtam prapauṇḍarīka-yaṣṭy-āhvā-kākolī-dvaya-candanaiḥ tailaṃ siddhaṃ vraṇaṃ hanti kṣīra-vṛkṣa-kaṣāya-vat caila-paṭṭādibhir bandho vraṇa-śodhana-ropaṇaḥ karañja-plakṣa-jambv-ādi-pattra-dānaṃ ca śasyate vraṇebhyaḥ krimi-juṣṭebhyaḥ surasādir gaṇo hitaḥ