Siddhasara p317

p317

kaphābhiṣyanda-jid dṛṣṭaṃ piṣṭvāścyotanam ambhasā nimbākta-puṭa-sampakvaṃ lodhra-bhāga-catuṣṭayam dhūma-sarṣapayor bhāgau kaphe sekaḥ sukhāmbunā tirīṭa-triphalā-yaṣṭī-śarkarā-bhadra-mustakaiḥ piṣṭaiḥ śītāmbunā seko raktābhiṣyanda-nāśanaḥ lodhra-yaṣṭī-niśā-dārvī-tārkṣya-śailair ajā-payaḥ dārvyā vā madhunā kvāthaḥ sarvābhiṣyanda-pūraṇam lodhra-dhātryau ghṛtodbhṛṣṭau piṣṭvā dattvā manaḥ-śilām pramṛjyād guḍikāṃ kṛtvā kupitaṃ locanaṃ bahiḥ vastra-baddha-śakṛd-vāri-svinnāraṇya-kulattha-jam cūrṇaṃ sadyo 'kṣi-kopa-ghnaṃ niśīthe yojitaṃ sakṛt bhāgaḥ syāc chigru-bījasya lodhrasyāṣṭau śilā-trayam vicūrṇya vastra-sambaddhaṃ guṇḍanaṃ kupitākṣiṇi rasāñjanābhayā-dārvī-gairikaiḥ saindhavānvitaiḥ jala-piṣṭair bahir lepaḥ sarva-netrāmayāpahaḥ adhimantheṣu sarveṣu lalāṭe vyadhayet sirāḥ yathoktā ca prayoktavyā sābhiṣyandocitā kriyā kṛṣṇa-bhāge sita-binduṃ śukraṃ vidyāt kaphānvayam raktaṃ ca śukla-bhāga-stham arjunaṃ śoṇitodbhavam tāpyaṃ madhūka-sāro vā bījaṃ vākṣasya saindhavam madhunāñjana-yogāḥ syuś catvāraḥ śukra-śāntaye sphaṭikoṣaṇa-yaṣṭy-āhva-śaṅkha-go-danta-saindhavaiḥ sa-śilā-candanair vartiḥ śukra-ghnī śigru-vāriṇā