Siddhasara p328

p328

calāvilāruṇābhāsaṃ rūpaṃ paśyen nabhasvatā nīlaṃ pītaṃ ca pittena śikhi-khadyota-vidyutaḥ snigdha-śvetāni rūpāṇi stimitāni balāsa-taḥ ati-raktāni raktena sarvaiḥ sarvāṇi cekṣate timirāṇāṃ sva-rūpaiś ca kācā jñeyās tad-anvayāḥ kapha-jas teṣu sādhyaḥ syād vyadhanaṃ tasya śasyate akṣāsthi-madhu-yaṣṭy-āhva-dhātrī-marica-tutthakaiḥ jala-piṣṭaiḥ kṛtā vartiḥ timirāṇi vyapohati vyoṣāyaś-cūrṇa-sindhūttha-triphalāñjana-saṃskṛtā guḍikā jala-piṣṭeyaṃ kokilā timirāpahā haridrāmalakī-kṛṣṇā-kataka-śveta-sarṣapaiḥ vyoma-vāri-yutair vartiḥ sarva-netrāmayāpahā vyāghrī-yuktāmra-yaṣṭy-āhva-pippalī-saindhavair yutaiḥ ajā-kṣīroṣitais tāmre vartiḥ sarvākṣi-roga-jit catuṣpada-dvijā lākṣā karañja-bṛhatī-phalaiḥ plavoṣṭra-matsyakāsthīni viḍaṅgaṃ vyoṣam āmayam timirārbuda-kācārma-vraṇa-śukrādi-nāśanī śīlā-saindhava-kāsīsa-śaṅkha-vyoṣa-rasāñjanaiḥ sa-kṣaudraiḥ kāca-śukrārma-timira-ghnī rasa-kriyā kapittha-rasa-saṃghṛṣṭaṃ gandhakaṃ dvi-guṇa-rasāt añjanaṃ timira-dhvaṃsi sauvīraṃ vābda-pādikam nāga-śulvā-lavaṅgākhya-gandhakāñjana-jair bhavet triṃśad-dvidhaika-pañca-tri-bhāgaiḥ pakvaiḥ sadāñjanam