Siddhasara p346

p346

ghṛta-taila-madhu-kṣīra-mūtraiś ca kavaḍa-grahaḥ jāti-pattrāmṛtā-drākṣā-yāsa-dārvī-phala-trikaiḥ kvāthaḥ kṣaudra-yutaḥ śīto gaṇḍūṣo mukha-pāka-nut tālu-mūle kaphāsṛgbhyāṃ jāyate gala-śuṇḍikā chittvā tāṃ vyoṣa-sindhūttha-vacā-kṣaudraiḥ prasādhayet gale syāt kaṇṭha-śālūkaḥ kolāsthi-pratimā kaphāt karmāsyāṅguli-śastreṇa pūrvavat pratisāraṇam pṛthag doṣaiḥ samastaiś ca śoṇitenāṅkurātmikā sva-rūpe rohiṇī kaṇṭhe pravṛddhā hanti jīvitam sarvāsāṃ śoṇita-srāvo yathāsvaṃ kavaḍa-grahāḥ