Siddhasara p377

p377

damśo bhogi-kṛtaḥ kṛṣṇaḥ sarva-vāta-vikāra-kṛt pīto maṇḍali-jaḥ śophī pṛthuḥ pitta-vikāra-vān rājilottho bhaved daṁśaḥ sthira-śophaś ca picchilaḥ pāṇḍuḥ snigdho 'ti-sāndrāsṛk sarva-śleṣma-vikāra-kṛt maghārdrā-kṛttikāśleṣā-bharaṇīṣu prayatnataḥ pūrvāsu ca pradaṣṭasya kasya cij jīvitaṁ bhavet navamī pañcamī ṣaṣṭhī tathā kṛṣṇa-caturdaśī caturthī savane dve ca daṣṭānām viṣamā matāḥ yasya keśāḥ praśīryante daṇḍa-rājir na dṛśyate roma-harṣo na śītena taṁ daṣṭam parivarjayet bandhanācūṣaṇa-ccheda-dāha-srāvāḥ prakīrtitāḥ pūrvaṁ daṣṭasya pānaṁ ca hṛdayāvaraṇaṁ ghṛtam nirguṇḍī-sahitā śvetā pānaṁ phaṇi-viṣāpaham bhāvitaṁ sva-rasenaiva mūlaṁ vā sindhu-vāra-jam vaṭa-śuṅgā sa-mañjiṣṭhā jīvakarṣabhakau sitā kāśmaryaṁ madhukaṁ caiva pānaṁ maṇḍali-daṣṭake kauntī kuṣṭhaṁ nataṁ vyoṣaṁ kaṭukātiviṣā madhu gṛha-dhūmaś ca pānena ghnanti rājila-jaṁ viṣam māṁsī-candana-sindhūttha-kṛṣṇā-yaṣṭy-ūṣaṇotpalaiḥ añjanaṁ syāt sa-go-pittair viṣa-supta-prabodhanam nakta-māla-phala-vyoṣa-bilva-mūla-niśā-dvayam saurasaṁ puṣpam ājaṁ ca mūtraṁ bodhanam añjanam bīja-kalkaḥ sa-sindhūttho mayūraka-śirīṣayoḥ nasyaṁ yava-phalād bījaṁ sa-pāṭhaṁ vā prabodhanam vandhyā-karkoṭa-jaṁ mūlaṁ chāga-mūtrātibhāvitam nasyaṁ kāñjika-sampiṣṭaṁ viṣopahata-cetasaḥ