Siddhasara p388

p388

śrute palāśa-je kṣāre pacyamāne kṣiped imān kauntī-kuṣṭha-nata-vyoṣa-surasa-śārivā-ghanāḥ māṃsī-hiṅgu-niśā-yaṣṭī-viḍaṅga-saindhavaṃ tathā darvī-pralepanaṃ jñātvā go-śṛṅge sthāpayed ataḥ kola-mātraṃ piban hanti viṣāṇy ati-balāny api yakṣma-gulmodarārśāṃsi meha-mandānala-jvarān sa-madhur viṣa-pītasya vamanaṃ go-mayād rasaḥ hṛdayāvaraṇaṃ sarpir agadāṃś ca prayojayet rajanī-saindhava-kṣaudra-saṃyuktaṃ ghṛtam uttamam pānaṃ mūla-viṣārtasya digdha-viddhasya ceṣyate śarkarā-kṣaudra-saṃyuktaṃ cūrṇaṃ tāpya-suvarṇayoḥ lehaḥ praśamayaty ugraṃ sarva-yoga-kṛtaṃ viṣam tāla-nimba-dalaṃ keśā jīrṇa-cailaṃ yavā ghṛtam dhūpo vṛścika-viddhasya śikhi-pattra-ghṛtena vā arka-kṣīreṇa saṃpiṣṭaṃ lepo bījaṃ palāśa-jam vṛścikārtasya kṛṣṇā vā śirīṣa-phala-saṃyutā manohvā saindhavaṃ hiṅgu jātī-pattraṃ sa-nāgaram go-śakṛd-rasa-saṃpiṣṭaṃ guḍikā vṛścikārti-nut tilakāṅkoṭhayor mūlaṃ giri-karṇyās tilasya ca śarkarā-madhu-sarpiṃṣi pānam ākhu-viṣāpaham pānaṃ sāhacaraṃ mūlaṃ sa-kṣaudraṃ taṇḍulāmbunā payasā vākhu-daṣṭasya piṣṭā tilaka-mañjarī mārjārakasya babhror vā pīto māṃsa-rasaḥ śṛtaḥ sopadravam api kṣipraṃ jayen mūṣika-jaṃ viṣam aṅkoṭhottara-mūlottha-kaṣāyasya pala-trayam sarpiṣaś ca palaṃ pītam ālarka-viṣa-nāśanam arka-kṣīraṃ tilāt tailaṃ palalaṃ ca guḍaṃ samam pānāj jayati durvāraṃ tūrṇaṃ kukkura-jaṃ viṣam kṣāro vyoṣaṃ vacā hiṅgu viḍaṅgaṃ saindhavaṃ natam ambaṣṭhātiviṣā kuṣṭhaṃ sarva-kīṭa-viṣāgadaḥ