Siddhasara p406

p406

nirvāpya triphalā-kvāthe loha-pattrāṇy anekaśaḥ tad-rajo madhu-sarpirbhyāṃ līḍhaṃ jīvita-vardhanam dhātry-ambv-ājya-madhūnāṃ tu loha-kumbhe śataṃ śatam dve śate loha-cūrṇasya yuktam āyuṣyam uttamam tāpya-triphalayoś cūrṇaṃ sarpiḥ-kṣaudra-vimiśritam khādataḥ praśamaṃ yāti vaivasvata-vadhūr jarā sa-viḍaṅgājya-madv-aktam ayaś-cūrṇaṃ sthitaṃ samām samudge baijake prāśya nīla-keśo bhaved balī kāśmaryāṇāṃ tulāṃ māsaṃ sthitāṃ sarpir-madhūkṣitām upayujya payonnāśī vijaro bhāti candra-vat vārāhī-mūla-cūrṇasya śataṃ madhu-yutaṃ kramāt yuvā syāt payasā pītvā kṣīrājyānna-bhug ādṛtaḥ ślakṣṇa-cūrṇena vārāhyāḥ śṛtaṃ kṣīraṃ vicūrṇitam tadājya-madhunā līḍhaṃ māsam ekaṃ rasāyanam mūlaṃ paunarṇavaṃ piṣṭaṃ palārdhaṃ payasā piban māsārdhaṃ māsa-yugmaṃ vā samāṃ vā vijaro bhavet śatāvary-aśanośīra-pāṭhā-nāgabalā-balāḥ vidārī śārivā vyāghrī yojyāḥ paunarnava-kramāt tailena sarpiṣā vāpi payasoṣṇodakena vā aśvagandhāṃ pibet pakṣaṃ puṣṭi-kāmo hitāśanaḥ kṣīreṇa mudga-yūṣeṇa jāṅgalānāṃ rasena vā rasāyanārthinā nityaṃ bhoktavyāḥ śāli-ṣaṣṭikāḥ