Siddhasara p413

p413

bhārgī-dāru-vacā-pāṭhāḥ pibet sātiviṣāḥ śṛtāḥ śamyākādim ghanādim vā dhātrī-stanya-viśuddhaye lājāñjana-sitā-vāmśī-madhukaiś cūrṇitaiḥ samaiḥ kṣaudra-yuktaiḥ śiśor lehaḥ sarva-jvara-nivāraṇaḥ pippaly-ativiṣā-śṛṅgī-cūrṇam leho madhūkṣitam kṣaudreṇātiviṣā caikā jvara-kāsa-vamīñ jayet lājā-saindhava-cūtāsthi-kṣaudrair leho vamīraṇaḥ tukā ca kṣaudra-samyuktā kāsa-śvāsa-harī śiśoḥ chardi-hikkāpahā lājā bījapūrāmbu-saindhavaiḥ lājā kṣaudra-sitā-sarpiḥ-saindhavair vāvalehikā gajāhva-dhātakī-lodhra-bilvodīcyaiḥ sa-mākṣikaiḥ lehaḥ kvātho 'tha vā hanti kumārasyodarāmayam samangā-dhātakī-puṣpa-śārivā-lodhra-sambhavah niṣkvātho madhu-samyuktaḥ śīlitaḥ kukṣi-roga-jit krimi-ghnāla-śilā-dārvī-lākṣā-kāñcana-gairikaiḥ cūrṇāñjanam kukūṇe syāc chiśūnām pothakīṣu ca ajā-kṣīreṇa sampiṣṭair dārvī-gairika-mustakaiḥ bahir ālepanam kāryam akṣi-roga-vināśanam aśvattha-tvag-gada-kṣaudrair mukha-pāke pralepanam dārvī-yaṣṭy-abhayā-jāti-pattra-kṣaudrais tathāparam gaurī yaṣṭī varī lodhram parṇyau rājādanam sitā jīvakarṣabhakau medā kākolyau śārivā-dvayam pañca-tvag-daśa-mūlāmbu-kṣīraiḥ prastham ghṛtāc chṛtam jyotike pitta-vaisarpe mukha-pāke grahārtīṣu śastam gaury-ādikam nāma bālānām sarva-roga-nut