Siddhasara p422

p422

viṣama-jvara-hṛd vṛṣyaṃ pippalī-vardhamānakam hemādi-loha-sambhūtaṃ tad-vīryābhaṃ śilā-jatu go-mūtra-gandhi su-snigdham guru niḥśarkaraṃ śubham yathā-doṣaṃ gaṇa-kvāthair bhāvitaṃ cūrṇitaṃ muhuḥ yathāsvaṃ prapibet kvāthaiḥ sarva-vyādhi-vināśanam evam mākṣika-dhātuś ca niṣevyaḥ sarva-roga-hā kapotakaṃ kulatthaṃ ca tan-niṣevī vivarjayet vāta-ghnā lavaṇaiḥ pathyā pitta-ghnā ghṛta-saṃyutā nāgareṇa kaphaṃ hanti sarva-rogān guḍānvitā dhātrī-rasāḍhakaṃ dhūtaṃ madhv-akte sthāpayed ghaṭe hemante śiśire vāsmān mātrāṃ prāvṛṣi vā pibet añjana-kṣīra-saṃyukto hy ūrdhvāsṛk-pitta-nāśanaḥ sitayā pāṇḍu-roga-ghno gopyāsṛg-dara-vāraṇaḥ śleṣmāṇaṃ madhunā hanti try-ūṣaṇenāgni-manda-tām soma-rāji-yutaṃ kuṣṭhaṃ arśāṃsi ca sa-vatsakam āyurvedārṇavākīrṇāś cikitsāmbu-lavo mayā eka-triṃśad ime 'dhyāyā nibaddhās tantra-paddhatau anaṣṭa-cchandasā śloka-trayodaśa-śatānvitāḥ niyogād devaguptasya bhrātur jyeṣṭhasya saṃhitām pāṇḍu-nāgam samuddiśya ravigupto 'karod imām iti kalpādhyāya eka-triṃśatimaḥ